കരുതിവെയ്ക്കാം മഴവെള്ളം

വരും വേനൽ മഴ…. ഒരുക്കാം മഴക്കുഴികൾ….. ഒരു മഴക്കുഴിചലഞ്ച്…

നിങ്ങൾ തയ്യാറാണോ???

ചുട്ടുപൊള്ളുകയാണ് നമ്മുടെ ഭൂമിയും കാലവും… വരും…. വരാതിരിക്കില്ല…..
വേനലിൽ കുളിരായി വേനൽമഴ… വീണു കിട്ടുന്ന വേനൽ മഴ തുള്ളികൾ ഒഴുകി പാഴായി കടലിലൊടുങ്ങാതിരുന്നാൽ അതാണ്… വരും കാലത്തെ ദാഹജലം…
മഴ പെയ്തു കിട്ടുന്ന വെള്ളത്തിന്റെ മുക്കാൽ ഭാഗവും ഉപയോഗിക്കപ്പെടാതെ നമ്മുടെ കൺമുൻപിലൂടെ ഒഴുകി കടലിലേക്ക് പോകുകയാണ്… കേരളത്തിന്റെ ഭൂപ്രകൃതിയുടെ പ്രത്യേകത കൊണ്ടും മറ്റു നിരവധി കാരണങ്ങൾ കൊണ്ടും ലഭിക്കുന്ന മഴവെള്ളത്തെ പരമാവധി മണ്ണിലാഴ്ത്തി ഭൂഗർഭ ജലവിതാനം ഉയർത്താൻ നാം ശ്രമിക്കേണ്ടതാണ്. ഇതിനായി നമ്മുടെ മണ്ഡലത്തിൽ എല്ലാ വർഷവും മഴവെള്ളം കരുതി വയ്ക്കാൻ വിവിധ പ്രവർത്തനങ്ങൾ നാം വിജയകരമായി നടത്താറുള്ളതാണല്ലോ… അത്തരത്തിൽ വ്യത്യസ്തമായൊരു പ്രവർത്തനത്തിന് ഈ പൊള്ളുന്ന കാലത്തെ നമുക്ക് പ്രയോജനപ്പെടുത്താം… വീട്ടിൽ ഒരു #മഴക്കുഴി #Challenge മഴവെള്ളം ഭൂമിയിൽ ആഴ്ത്താൻ ഏറ്റവും ചെലവു കുറഞ്ഞ മാർഗമാണ് മഴക്കുഴികൾ. സ്ഥലസൗകര്യത്തിനും മണ്ണിന്റെ ഘടനയ്ക്കും അനുസരിച്ച് പുരയിടങ്ങളിലും കൃഷിസ്ഥലങ്ങളിലും കുഴികൾ ഉണ്ടാക്കാം. മഴക്കാലത്ത് എപ്പോഴും വെള്ളം കുഴികളിൽ നിറഞ്ഞിരിക്കും. ഇത് ക്രമേണ ഭൂമിയിലേക്ക് ഊർന്നിറങ്ങും… 0.6 മീ x 0.6 മീ x 0.6 മീ അളവിലുള്ള കുഴികളാണ് നല്ലത്. ഓരോ മഴയ്ക്കും വെള്ളം ഈ കുഴികളിൽ നിറയുകയും ക്രമേണ ഭൂമിയിലേക്ക് ഊർന്നിറങ്ങുകയും ചെയ്യും. ഇത്തരത്തിൽ ഓരോ പുരയിടത്തിലും 10 കുഴികൾ വീതം കുഴിച്ചാൽ ഒരു മഴയ്ക്ക് 2160 ലിറ്റർ വെള്ളം മണ്ഡലത്തിലെ അറുപതിനായിരം വരുന്ന വീടുകളിൽ നിന്ന് ഇടവിട്ടിട്ടുള്ള പത്ത് മഴ കൊണ്ട് ഏകദേശം 130 കോടി ലീറ്റർ വെള്ളം ഭൂമിക്കു കൊടുക്കാൻ കഴിയും…